Aldo Leopold

Aldo Leopold (11 Genver 1887 – 21 Ebrel 1948) a oa un ekologour, ur prederour, ur c'hoadour, ur skiantour hag ur skrivagner stadunanat.
Kelenner e oa e Skol-veur Wisconsin hag anavezet eo dre-benn d'e levr A Sand County Almanac (1949), hag a voe troet e pevarzek yezh ha gwerzhet e daou villion a skouerennoù^[1].

Leopold a voe e penn al luskad evit an divezoniezh (etik) endroel hag oberiant evit gwareziñ al loened gouez. E sell holistek war an natur ouez en deus bet ul levezon greñv war skiant merañ ar vuhez ouez.

1. ↑ A Sand County Almanac. The Aldo Leopold Foundation.